10.8 C
Prizren
E premte, 30 Shtator, 2022

Thaçi, i pakontestueshëm për kryeministër

BasriMusmurati6-06Sekretari i përgjithshëm i PDK-së, Basri Musmurati, ka thënë se ende strukturat e partisë nuk kanë vendosur se kush do të jetë kandidat për kryeministër, por ai thotë se në historikun e partive politike në të gjithë botën, zakonisht lideri është kandidat edhe për kryeministër.
“Më lejoni ta shpreh mendimin tim rreth kësaj çështje. Hashim Thaçi nuk është i pazëvendësueshëm. Në PDK kemi kuadro që mund ta udhëheqin Qeverinë, por kështu siç janë raportet dhe si është zhvilluar deri më tani Kosova dhe PDK-ja, mendoj se më të mirë, më të fuqishëm dhe më të pranueshëm se Thaçi për kryeministër nuk ka. Edhe po të mos donte Thaçi të jetë kandidat për kryeministër, strukturat e PDK-së nuk do ta lëshojnë aq lehtë, do ta bindin atë të vazhdojë ta udhëheqë Qeverinë. Thaçi njëherë përnjëherë është i pakonkurrencë në krahasim me liderët e partive të tjera”, ka thënë Musmurati në një intervistë për “Epokën e re”.
Musmurati, ka thënë se kjo parti është e mobilizuar për zgjedhjet e ardhshme parlamentare. Ai ka deklaruar se, pavarësisht largimit të Fatmir Limajt dhe Jakup Krasniqit, PDK-ja është stabile. “Partia Demokratike e Kosovës është parti e fuqishme, e organizuar mirë dhe ka strukturë të fortë. Këto struktura dhe këta njerëz gjithmonë kanë qenë stabilë. Në një moment të caktuar, kur dikush nuk pajtohet, është e drejtë e tij të largohet nga PDK-ja dhe të themelojë parti të re. Është krejt normale se ata që largohen, fillimisht gjurmojnë për të gjetur njerëz në partitë në të cilat ishin deri dje”, ka thënë Musmurati.

Më Shumë

Kryeministri Kurti udhëton për në Japoni

Kryeministri i Republikës së Kosovës, Albin Kurti, ka udhëtuar për në Japoni për të marrë pjesë në ceremoninë shtetërore të varrimit të ish-kryeministrit të...

Hapet sezoni i gjuetisë, me përjashtim të Rajonit të Prizrenit

Me datë 12 Shator 2022 Ministria e Bujqësisë, Pylltarisë dhe Zhvillimit Rural ka nxjerr vendimin për hapjen e sezonit të gjuetisë në Republikën e...

Lajmet e Fundit