Skënder Berisha
Rrotullon vjeshta rrotullon
Palët e ngjyrave magjiplotë
E të lahen nën shiun
Që derdhet me pika lotë
Plot qerrja e saj me gjeth
Pak më tremb më fort më rrënqeth
Te sheshi im tash kur kthehem
Nis e kthjellem e më shumë dehem
Endet vjeshta endet nga bregu te bregu
Rrapi zbrazet zogjsh e s’ndihet fëshfërimë
Ecje e ngadaltë sikur për funeral
Matem e çmatem edhe hapin e ndal
Era nisi e u kalamend nëpër plepa
Aty te Marashi fluturoi larashi
Gjeth i shtruar sheshi deri te veshi
Nëpër magjinë e thellë edhe unë treta
13 nëntor 2022