Kryetari i Prizrenit, Shaqir Totaj, priti sot delegacionin nga qyteti binjak i Prizrenit, Bingen i Gjermanisë, që kryesohej nga kryetari i Bingenit, Thomas Feser.
Me këtë rast, Totaj falënderoi zyrtarët gjermanë për ruajtjen e traditës mbi 50 vjeçare të marrëdhënieve mes dy qyteteve e që, sipas Totajt, do të zgjerohen bashkëpunimet në shumë fusha në të ardhmen.
Ndërsa, Feser, përveç që u shpreh i lumtur që gjendet përsëri në Prizren, bëri të ditur se vitin e ardhshëm do të sjell në qytetin tonë makinë, dhuratë për zjarrfikësit, në vlerë prej 800 mijë Euro.
Kryetari Totaj, tha se kjo dhuratë do të jetë aset i rëndësishëm për shpëtimtarët nga zjarri pasi kjo makinë arrinë deri në 30 metra lartësi, gjë që do të ndihmojë në qasjen në incidente me zjarrin, në vende që nuk është mundur më parë.
Të dy delagacionet vizituan edhe Brigadën e Zjarfikësve të Prizrenit.