Kryetari i Prizrenit, Shaqir Totaj, ka vizituar Panairin e Artizanaleve, i cili për tri ditë do të jetë i hapur në këtë qytet.
“Pjesëmarrja e grave në tregun e punës, qoftë si punëtore apo si ndërmarrëse, është parakusht për zhvillimin tonë ekonomik” , tha Totaj.
Panairi është organizuar nga Oda e Ndërmarrësve dhe Zejtarëve të Prizrenit në bashkëpunim me Odën e Koblenzit të Gjermanisë.
Në këtë panair po marrin pjesë biznese nga Kosova, Shqipëri, Maqedonia Veriore dhe Mali i Zi.
Përveç shitjes së prodhimeve, panairi synon promovimin e vlerave të trashëgimisë kulturore tradicionale dhe shkëmbimin e punimeve artizanale ndërmjet vendeve të rajonit.
Në këtë panair po merr pjesë edhe Posta e Kosovës./PrizrenPress.com/
