Kryetari i Komunës së Prizrenit, Shaqir Totaj, ka shprehur ngushëllimet e tij klubit Trepça 89, familjes dhe shokëve të futbollistit të ri nga Mitrovica, Erion Kajtazi.
Kajtazi humbi jetën dje në ndeshjen kampionale të zhvilluar në Korishë, si pasojë e një sulmi kardiak.
Postimi i plotë i Totajt:
Jam i trishtuar me lajmin e vdekjes së futbollistit të ri nga Mitrovica, Erion Kajtaz.
I ndjeri ka ndërruar jetë dje në ndeshje kampionale të zhvilluar në Korishë-Prizren, pas një sulmi kardiak.
Në cilësinë e kryetarit te Prizrenit, si adhurues i sportit, ju shpreh ngushëllimet më të sinqerta familjes, klubit Trepça 89 dhe shokëve të tij.