Kandidati i PDK-së për kryetar të Prizrenit, Shaqir Totaj thotë se kryetari i Komunës, Mytaher Haskuka, për shkak të zgjedhjeve, po shfaqet i trembur .
Sipas tij, Haskuka e ka marrë në qafë Prizrenin.
“I trembur nga ofrimi i zgjedhjeve dhe nga kritikat pe?r dështim, kryetari Haskuka paska kritikuar kuvendarët e opozitës dhe si zakonisht ka provuar t’i fajësojë të tjerët”, shkruan Totaj në Facebook.
Kryetari i Prizrenit, Mytaher Haskuka, ka shpërthyer me akuza në drejtim të PDK-së, LDK-së dhe AAK-së.
“Si kanë fytyrë këta të PDK-së, LDK-së dhe AAK-së të flasin për Prizrenin”, ka thënë Haskuka, shkrun “PrizrenPress”
Ndërkaq, Totaj thotë se Haskuka nuk e ka pasur as mbështetjen e partisë së tij, Vetëvendosje.
“Dështaku Mytë, që tashmë publikisht nuk e ka as përkrahjen e partisë së tij, Vetëvendosje, paska menduar ta ketë përkrahjen e opozitës, të cilën nuk e ka vlerësuar”.
“Për katër vjet, sa e mori në qafë Prizrenin me dështimet e vazhdueshme, ky nuk e ka mësuar as rolin e opozitës”.
“Pa e ditur rëndësinë e saj, e të numrave në Kuvendin Komunal, Myta u tregua mosmirënjohës kur e prishi koalicionin me partnerët e tij, LDK-në e NISMEN, që e ndihmuan ta realizojë të pabesueshmen, për t’u ulur në karrigen e kryetarit”, shkruan ai.
Totaj shprehet se Haskuka, postin e kryetarit të Komunës nuk e ka pasur hallall.
“Postit haram i erdhi fundi”.
Totaj fton qytetarët që në tetor me votë t’i japin fund qeverisjes së Haskukës./PrizrenPress.com/