Komuna e Malishevës ka ndaluar të gjitha aktivitetet e parapara për 28 Nëntor pas tërmeteve që ndodhën në Shqipëri ku disa persona mbetën të vdekur e shumë të tjerë të lënduar.
Kjo u bë e ditur përmes një komunikate për media bërë nga Komuna.
“Kryetari i Komunës së Malishevës, Ragip Begaj, pasi është konsultuar me organet përgjegjëse komunale, vendosi t’i pezulloi të gjitha aktivitete të parapara për shënimin e 28 Nëntorit. Komuna e Malishevës, solidarizohet me vëllezërit dhe motrat në Shqipëri nga tërmeti i sotshëm që ndodhi, njëherësh shpreh dhembjen, për ata që humbën më të dashurit e tyre në këtë fatkeqësi natyrore”, shkruhet në njoftim.