Treshes LDK-AAK-Nisma i ka humbur durimi. Isa Mustafës, Ramush Haradinajt dhe Fatmir Limajt nuk po u pritet që ta marrin pushtetin. Ata nuk po mund ta presin as vendimin e Gjykatës Kushtetuese i cili pritet të sqarojë mënyrën e zgjedhjes se kryekuvendarit.
Treshja tani ka filluar edhe të ‘kërcënojë’. Ata po e kritikojnë Gjykatën Kushtetuese se po përdor standarde të dyfishta në çështjen e kryeparlamentarit, ndërsa presidenten Atifete Jahjaga e kanë kritikuar për qëndrim inferior ndaj zhvillimeve të fundit në vend.
Kështu, kryetari i LDK-së, Isa Mustafa, ka thënë se Kosova po duket “shtet pa shtet:”.
Ai ka kritikuar presidenten Atifete Jahjaga se po lejon që të rrezikohet demokracia dhe e ardhmja e vendit. “Presidentja, si i vetmi institucion me legjitimitet kushtetues, as nuk shtron pyetje dhe as nuk vepron, por lejon që të rrezikohet demokracia dhe ardhmëria e vendit. Dikush duhet ta merr përgjegjësinë”, ka shkruar në profilin e tij në facebook,shkruan tribuna.
Mustafa. E bashkëpartneri i Mustafës, Ramush Haradinaj ka kritikuar Gjykatën Kushtetuese se po përdor standarde të dyfishta pas vendimit për pezullim të zgjedhjes së kryetarit të Kuvendit.