8.8 C
Prizren
E martë, 19 Mars, 2024

Trezeguet: Leao do të jetë një befasi në Kupën e Botës

Ish-futbollisti i Juventus-it, David Trezeguet, ka bërë një parashikim interesant për Kupën e Botës që do të fillojë sot (e diele) në Katar.

Kampioni i Botës me Francën në vitin 1998 ka thënë se ylli i Milan-it, Rafael Leao, do të jetë protagonist në këtë kompeticion me kombëtaren e tij Portugalinë.

“Leao mund të jetë një nga protagonistët e Kupës së Botës. Ai është një lojtar pak më ndryshe se të tjerët. Është e vërtetë për momentin ai është vendimtar në ligë dhe më pak në Ligën e Kampionëve, por ai po rritet me hapa të shpejtë”, tha fillimisht Trezeguet.

“Më duket se bën mirë nëse kënaqet. Dhe nëse ai është duke u argëtuar, është fantastike të shihet, sepse ai nuk ka vështirësi në fushë, ai as nuk djersitet”, shoti ish-sulmuesi i Juventus-it.

Kujtojmë që Leao e kaloi shumë mirë gjysmën e sezonit të parë në Serie A me skuadrën e tij, Milan-in.

Ai ka shënuar shtatë gola dhe ka dhuruar nëntë asistime në 20 ndeshje në të gjitha garat me fanellën kuqezi.

Ndërkohë, Leao në sezonin e kaluar ishte shpallur lojtari më i mirë në ligën italiane, ku atë vit edhe Milan-i e fitoi titullin kampion.

23-vjeçari deri më tani numëron 11 ndeshje me kombëtaren e Portugalisë, por nuk e ka shijuar ende golin.

/Albanianpost.com

Më Shumë

Policia në Prizren ndëshkon kundërvajtësit me xhamat e errësuara në automjete

Policia në Prizren, në kuadër të zbatimit të ligjit për rregullat në trafikun rrugor, ka ndërmarrë një sërë aktivitetesh për të identifikuar kundërvajtësit në...

Totaj priti në takim Konsullin e Konsullatës së Turqisë në Prizren dhe kolonelin e KFOR-it

Kryetari i Prizrenit,  Shaqir Totaj, sot priti Konsullin e Përgjithshëm të Konsullatës së  Turqisë në Prizren, Celal Do?an, dhe Kolonelin e KFOR-it turk, Sabri...

Syri i kaltër

Lajmet e Fundit