Sot u përurua Kabineti i Shkencave të Natyrës në shkollën “Hysni Rexhepi” në Prizren, një investim i rëndësishëm në funksion të përmirësimit të cilësisë së arsimit dhe kushteve të të nxënit për nxënësit e kësaj shkolle.
KLIKO LINKUN: https://www.facebook.com/watch?v=1359295528468376
Drejtoresha e shkollës, Lumnije Rakaj, në fjalën e saj falënderoi përzemërsisht KFOR-in turk për bashkëpunimin dhe mbështetjen e vazhdueshme, duke theksuar se ky donacion është një shembull i qartë i ndikimit pozitiv që mund të ketë bashkëpunimi ndërinstitucional në zhvillimin e arsimit.
“Të investosh në arsim, do të thotë të investosh në të ardhmen”, tha ajo.
Kabineti është i pajisur me mjete bashkëkohore për eksperimente dhe demonstrime shkencore, duke ofruar mundësi më të mira për mësim të gjallë dhe praktik, si dhe për nxitjen e mendimit kritik dhe kërshërisë tek nxënësit.
KFOR-i turk, i angazhuar prej vitesh në projekte në komunitetin lokal, përmes këtij donacioni dëshmon edhe njëherë përkushtimin e tij për të mbështetur arsimin dhe të rinjtë në Kosovë.
Ky përurim përbën një hap përpara në drejtim të modernizimit të procesit mësimor dhe krijimit të një ambienti më të favorshëm për zhvillimin intelektual të brezave të rinj./PP/
Marketing
