Ndarja mes Cristiano Ronaldo-s dhe Jorge Mendes është një temë që po flitet prej kohësh. Këtë e ka konfirmuar edhe gazeta “El Mundo” në një informacion ku shpjegon se largimi i portugezit nga Manchester United ishte pika kulmore e distancimit.
Sipas gazetës së lartpërmendur, CR7 i ka dhënë agjentit të tij ultimatumin e mëposhtëm.”Ose më merr Bayern ose Chelsea ose do të ndahemi”.
Përfaqësuesi do t’i përgjigjej me “je i çmendur”. Përfundimisht, Ronaldo u largua për te Al Nassr të Arabisë Saudite.
Thuhet gjithashtu në “El Mundo” se të dy kishin disa fërkime që kur Cristiano u largua nga Real Madrid.
Lojtari donte të ishte një agjent i lirë për të qenë në gjendje të balanconte pagën e tij me atë të Leo Messi-t, por Mendes e këshilloi atë të qëndronte në klubin e bardhë.
“Qëndro te Real Madrid. Nëse largohesh do të jetë më keq”, mesohet t’i ketë thënë agjenti Ronaldo-s asokohe.
/Albanianpost.com