12.9 C
Prizren
E diel, 7 Nëntor, 2021

Unë çikës teme s’ia pres krahët!

Autore: Shqipe Palloshi-Zumberi

Unë çikën teme nuk e msoj me nënshtrim! Ajo ka me lind si qenie e lirë, e plotëpushtetshme për mendimet, vendimet e veta, për trupin e për shpirtin e vet. Ka me e ditë që Zoti e ka kriju si qenie të lirë, edhe nuk guxon me pranu kurgjë ma pak se kjo, nuk guxon me ba kompromis me lirinë e saj.

Çika jeme ka me e ditë që lumturinë e saj mundet me e kriju veç ajo vet. Nuk ka me prit ndonji princ me kalë të bardhë me ardh me e shpëtu nga mjerimi finansiar, dëshpërimi emocional a shoqëror. Kur të jetë e gatshme me u martu, ka me e bë këtë me plot vetëdije e vetëdëshirë, veç atëherë kur beson se është e gatshme t’bahet bashkëshorte e nanë e mirë, e përkushtuar. Veç atëherë kur t’mendon se ka mbjellë mjaftueshëm fara në vete për me lulëzu pastaj për t’zgjedhurin e saj, e fëmijët e tyre.

Por unë çikën teme nuk e msoj me nënshtrim! Ajo ka me ditë me qëndru e fortë për besimet e idealet e veta. Nuk ka me u kompleksu pse është ndryshe prej turmës, edhe atëherë kur turma ka me e mbajtë në gojë për moskonformizmin e saj. Edhe atëherë kur mundet me pas frikë për t’ardhmen e saj, ajo ka me qëndru e fortë për atë çka beson.

Ajo ka me msu se Zoti është i bukur dhe e do të bukurën, dhe ka me e ditë që prej gjërave që e lartësojnë njeriun si qenie është shija për të bukurën. Për rrjedhojë, ajo ka me u kujdes për bukurinë e trupit, pa ra pre e standardeve e shthurrëse që i serviren gjithkund. Mbi të gjitha, ajo ka me e ditë se bukuria e vërtetë është bukuria e shpirtit e mendjes, dhe ka me u përpjek me e zbukuru mendjen me dije e shpirtin me mirësi, për me e prek esencën e t’qenit njeri.

Çikës teme nuk kam me ia pre flatrat qysh ua kanë pre nanat ndër gjenerata çikave t’veta. Se çika jeme nuk ka me qenë prona jeme, e nuk guxon me u bë as prona e dikujt tjetër. Përveç krijesë e Zotit dhe zonjë e vetes! Nuk guxon me e pa veten si diçka ma pak se kjo. Çika jeme ka me msu se duhet me u kujdes për zemrat e njerëzve, me i gëzu njerëzit, me falë prej zemrës, kohës e jetës së vet për me i lumturu ata. Ka me msu se s’ka punë ma t’fisme se me e gzu nji zemër, se me e lumturu nji shpirt. Ama, ajo kurrë nuk ka me iu nënshtru tekave boshe, tendencioze e injorante të dikujt për ta nënshtru qenien e saj veç pse është çikë, grue a nuse. Ajo ka me ditë ma mirë se kaq!

Çikës teme unë s’kam me i thanë mos me lujt me vetura se ato janë për djem. Ajo ka me lujt me anije kozmike, me stetoskop, me letra e lapsa, me aeroplana. Se ajo ka me msu me besu në fuqinë e mendjes së saj, dhe ka me u ushqy me dashuri e dëshirë për me e eksploru universin e me i zbulu t’fshehtat e tij. Ajo s’ka me ra pre e tendencës së shoqërisë për me e bë me besu se aftësitë e saj intelektuale janë inferiore ndaj atyre të një burri.
Ajo ka me qenë e etur për dije, ka me qenë ambicioze për me e ndërtu veten me mundin e shkathtësitë e veta, për me u bë e zonja e vetes e për me i shtu mirësi njerëzimit me arritjet e veta. Ajo ka me e kuptu që Zoti e ka kriju si mrekulli. E ka bë ndihmëse në procesin e krijimit të jetës së re. Edhe në momentin që vendos të bahet nanë, ajo ka me dhënë çdo gjë prej vetes për me u kujdes për mirëqenien fizike, shpirtërore, mendore të krijesave që ka sjellë në jetë. Kur t’bahet nanë, ajo ka me e ditë se fëmija rritet pa gjithçka, por jo edhe pa dashuri e vëmendje. Kur të bahet bashkëshorte, ka me e ditë se elementi thelbësor për me e lumturu t’zgjedhurin e saj, është vëmendja e pandame e saj ndaj çdo aspekti të qenies së tij. Ka me ditë me fliju prej vetes për lumturinë e të dashurit, por asnjëherë prej dinjitetit e vetrespektit të saj. Ajo ka me e ditë se familja është mënyra si ruhet shenjtëria e njerëzimit dhe me urtësi e dashuri ka me kriju nji fole t’ngrohtë ku kanë me gjetë prehje t’dashurit e zemrës së saj.

Ajo ka me e ditë se vlerë i ka dhënë Zoti, dhe se vlera e saj nuk ulet as rritet në raport me njerëzit. Ka me fol n’emër të së drejtës e nuk ka me hesht për padrejtësitë. Çika jeme ka me e ditë sa e fortë është, sepse është çikë. Ajo ka me besu se mundet me e ndryshu botën, edhe ka me ia mësy kësaj.

Çika jeme është prototip i çikave të s’ardhmes. Çikat tona janë mrekulli, e mrekullitë s’mundesh me i shtrëngu në grusht, as me ua shujt dritën.

Më Shumë

Për katër vjet janë larguar mbi 400 mjekë nga Kosova

Kushtet jo të mira të punës dhe pagat e ulëta, kanë bërë që kuadri specialistik mjekësor të ikë nga Kosova në vende të ndryshme...

Gërvalla për liberalizimin e vizave: Nuk mund ta di se kur do të ndodhë

Ministrja e Punëve të Jashtme dhe Diasporës (MPJD), Donika Gërvalla, gjatë raportimit në Komisionin për Integrime Evropiane ka folur për liberalizimin e vizave dhe...

Haskuka: Do të qeverisim bashkë

Kryetari i komunës së Prizrenit dhe kandidati i Lëvizjes Vetëvendosje për një mandat tjetër në krye të këtij qyteti, Mytaher Haskuka ka thënë se...

Oda e Hotelierisë kërkon të zgjatet orari i gastronomisë dhe të lejohen dasmat e klubet e natës

Kryetari i Odës së Hotelierisë dhe Turizmit Hysen Sogojeva, bashkë me drejtorët e departamenteve të estradës dhe të sallave të dasmave Afrim Muqiqi dhe...

Liria fiton derbin lokal

Liria ka shënuar fitoren e dytë me radhë dhe është ngritur në renditjen tabelare për dy pozita më lartë. Për herë të parë këtë...

Thirrja Hanefi Muharremit për votuesit të LDK-së në Prizren

Hanefi Muharremi, nënkryetar i degës së LDK-së në Prizren ka treguar se cili është qëndrimi i partisë për balotazhin në komunën e Prizrenit mes...

Dëgjohet ish-sekretari i UPZ-së në gjykimin ndaj Ramë Vatës

Në gjykimin,  e ish-rektorit Ramë Vataj, i cili në Gjykatën Themelore të Prizrenit po gjykohet për veprën penale “Cenimi i të drejtave të punësimit dhe...

Haskuka: Ka pasur blerje të votave nga të gjitha partitë

Kryetari i Prizrenit, Mytaher Haskuka, ka thënë se pak para zgjedhjeve të rundit të parë në Prizren, ka pasur shpërndarje të fondeve për të...

Kërcënohen dy rojtarë të pyllit në Korishë të Prizrenit

Policia ka njoftuar se dy rojtarë të pyllit janë kërcënuar në Korishë të Prizrenit. “Pas intervistimit, i dyshuari me vendim të prokurorit është dërguar në...

Haskuka dhe Totaj e telefonojnë Qunin

Kryetari i degës së Lidhjes Demokratike të Kosovës në Prizren, Anton Quni thotë se dega të cilin ai e udhëheq ende nuk ka vendim...

Prizren, dy raste të lëndimeve trupore

Një person nga komuna e Prizrenit ka raportuar në polici se me datën 21 tetor deri sa ka qenë në rrugë është sulmuar fizikisht...

Shkrimtari arbëresh Ernesto Sabato: Nëna ime gjithmonë më fliste shqip

Familja e tij kishin njëmbëdhjetë fëmijë, të gjithë djem. Ernesto ishte fëmija i dhjetë i familjes Sabato. Ditën që lindi, vëllau më i madh...

Dyshja amerikane largohen nga Bashkimi

Klubi i Bashkimit në konkurrencën e femrave ka njoftuar që dyshja amerikane, Takyra Glibert dhe Janae Barnes nuk do të jenë më pjesë e...

Formacionet zyrtare: Malisheva shpreson të rikthehet te fitorja si nikoqir i Llapit

Malisheva është nikoqir i Llapit për përballjen që luhet në kuadër të javës së 13-të në BKT Superligën e Kosovës. Ndeshja që fillon në ora...

Ruiz: Shpresoj se s’ia kam shkatërruar karrierën Joshuas

Andy Ruiz Jr thotë se vërtet shpreson se nuk ia ka shkatërruar karrierën Anthony Joshuas, kur e mposhti britanikun në luftën për titullin e...

Japin mbrojtjen inxhinieri i gjeodezisë në Prizren dhe zyrtarja komunës, nën akuzat për korrupsion

Pranë, Departamentit për Krime të Rënda të Gjykatës Themelore në Prizren, sot e kanë dhënë mbrojtjen e tyre inxhinieri i gjeodezisë, Bajram Selmani dhe...

Lajmet e Fundit