Rep artisti më i njohur i skenës sonë, Unikkatili, përmes faqes së tij zyrtare në Facebook, ka treguar se do të mbajë një koncert në Zvicër, ndërsa ka treguar se koncerti do të mbahet me 21 qershor.
T’ju kujtojmë se Unikkatili edhe pse ende nuk është paraqitur në publik me ndonjë videoklip, ai mbetet njëri ndër reperët më të famshëm në vendin tonë.
Kjo u dëshmua edhe me koncertin e tij i cili u mbajt në Prishtinë, e kjo mbështetje pritet të jetë edhe në Zvicër, pasi që dihet se atje po ashtu ka shumë bashkëvendës tanë.
Ndryshe edhe pse Unikkatil nuk ka paralajmëruar ndonjë këngë të re, nga komentet e fansave mund të vërehet se ata mezi presin ta shohin të pëlqyerin e tyre.