Viti i ri akademik e gjen Universitetin e Prizrenit “Ukshin Hoti” pa rektor. Edhe më tutje mbeten të paqarta procedurat ligjore karshi kandidaturave për këtë post.
Në këtë garë janë tetë kandidatë: Lirak Karjagdiu, Isuf Musliu, Gani Gjini, Florije Govori-Fejzullahu, Fahredin Shabani, Ramë Vataj, Nagip Skenderi dhe Kadri Kryeziu, shkruan Koha Ditore.
Ndër ta ngërçi aludon te kandidati Kadri Kryeziu, i cili ka titullin “profesor-asistent” dhe jo “profesor i asocuar” apo “profesor i rregullt”, siç parashihet me Statutin e UPZ-së. I njëjti është edhe anëtar i Gjykatës Kushtetuese të Kosovës.
Për këta, disa ditë më parë ishte shtruar kërkesa nga një pjesë e Këshillit që të hiqet kjo dispozitë dhe të mos zgjidhet rektori vetëm nga radhët e profesorëve të rregullt e të asocuar.