Në një ceremoni solemne, të hënën është bërë hapja zyrtare e studimeve në tri drejtime të reja në nivelin Master në Universitetin “Ukshin Hoti” në Prizren . Me këtë rast rektori i UPZ-së, Ramë Vataj u ka uruar suksese të gjithë studentëve në nivelin Master duke theksuar se një gjë e tillë u realizua falë punës dhe përkushtimit të njësive akademike përkatëse për të cilën kanë dhënë kontribut edhe menaxhmentet e kaluara.
“Hapja e këtyre drejtimeve, Master në Shkencat Kompjuterike dhe Teknologjitë e Komunikimit, Master në Kontabilitet dhe Auditim, si dhe Master në Administrim Biznesi, të cilat janë unike në vend dhe rajon, shënon një sukses të madh për UPZ-në, duke specializuar kuadro komform kërkesave të tregut të punës dhe nevojave të vendit”, ka theksuar Vataj.
Ai ka thënë se është duke punuar së bashku me bashkëpunëtorët e tij në menaxhment dhe dekanët për hapjen e drejtimeve të reja dhe se do të punojnë që të ketë kontinuitet në studime, duke ofruar edhe studime të doktoratës në vitet në vijim./PrizrenPress.com/