Partia Demokratike e Kosovës në Prizren, ka uruar të gjithë qytetarët e Komunës së Prizrenit, me rastin e festës së Krishtlindjes, “duke dëshiruar që në këtë festë të mbretërojë dashuria dhe mirëkuptimi në mes qytetarëve të komunës sonë, kudo që ata jetojnë dhe veprojnë”.
“Sot, në këto ditë feste, kur në gjithë botën po kremtohet festa, urojmë që në këtë ditë të gëzuar të mbretërojë, paqja e Kërshëndellave edhe tek Shqiptarët e besimit katolik, në Kosovë dhe më gjerë”, thuhet në urimin e PDK-së në Prizren..
“Partia Demokratike e Kosovës, dëshiron që festa e Kërshëndellave, sikurse edhe festat tjera, të na shërbejnë, si shembull i fitimit të plotë të lumturisë dhe të begatoj paqë të përhershme dhe harmoni mes nesh.
“Dega e Partisë Demokratike të Kosovës në Prizren uron që kjo festë të na e shtojë solidaritetin dhe dashurinë mes vete, për të përcjellë tutje përpjekjet tona qytetare e njerëzore drejtë sukseseve dhe të ardhmes së ndritshme të shtetit tonë”./PrizrenPress.com/