Komuna e Prizrenit po vazhdon lyerjen e korridoreve të banesave kolektive.
Kryetari i Komunës, Mytaher Haskuka tha se në këto banesa po krijohet një ambient më të sigurt e më të shëndetshëm për të gjithë banorët.
“Vazhdojnë punimet për përmirësimin e kushteve të jetesës së qytetarëve që jetojnë në banesa kolektive, duke renovuar kulmet e tyre dhe së fundmi duke bërë edhe lyerjen e korridoreve”, shkruan Haskuka.
“Aplikimet për projektin e lyerjes së korridoreve tanimë kanë përfunduar, ndërkaq me punimet që po realizohen tanimë në këto banesa po krijohet një ambient më të sigurt e më të shëndetshëm për të gjithë banorët”.
“Falënderoj Drejtorinë për Urbanizëm dhe Planifikim Hapësinor për punën që po e kryen në këto banesa, ku me dekada nuk ka pasur asnjë investim!”./PrizrenPress.com/