14.8 C
Prizren
E enjte, 29 Shtator, 2022

Vdekja e mistershme e motrave, a ikën nga dhuna në familje?

Policia australiane është e ‘hutuar’ pasi trupat e dy grave saudite, që besohet se kanë mbetur të pazbuluara për një muaj, u gjetën në një apartament në Sidnej.

Motrat Asra Abdullah Alsehli, 24 vjeçe dhe Amaal Abdullah Alsehli, 23 vjeçe, u gjetën të vdekura më 7 qershor në një shtëpi në periferi të Canterbury.

Policia tha se gratë besohet të kenë vdekur në fillim të majit. Por pavarësisht “hetimeve të gjera”, ata ende nuk e dinë se si dhe pse, raporton BBC

Motrat u shpërngulën në Australi nga Arabia Saudite në vitin 2017 dhe mund të kenë kërkuar azil, raportoi The Sydney Morning Herald. Policia nuk pranoi ta konfirmojë këtë, duke thënë se nuk komentojnë statusin e banimit, përcjell rtv21.tv

Një organizatë e të drejtave të njeriut tha se duhet të vërtetohet nëse gratë kanë ikur nga Arabia Saudite për shkak të dhunës në familje apo ligjeve të ashpra që rregullojnë gratë. Megjithatë, nuk ka asnjë provë se ky është rasti.

Policia tha se kishte qenë në kontakt me familjen e viktimave, e cila po i ndihmon me hetimet.

Lina al-Hathloul, zyrtare e monitorimit dhe komunikimit në organizatën saudite të të drejtave të njeriut ALQST, tha se nuk do të ishte rasti i parë i grave saudite që u vranë jashtë vendit pasi ikën nga dhuna në familje.

Sipas Sydney Morning Herald, kishte shenja që diçka nuk shkonte.

Vitin e kaluar, gratë i thanë menaxherit të ndërtesës se mendonin se dikush po ngatërronte dërgesat e tyre të ushqimit, raportoi gazeta.

Një raport nga programi australian i çështjeve aktuale Four Corners, në vitin 2019 zbuloi se 80 gra saudite ishin përpjekur të kërkonin azil në Australi vitet e fundit. Shumë prej tyre po iknin nga ligjet e kujdestarisë mashkullore./21Media

 

Më Shumë

Don Xhon publikon veturat milionëshe: Shtinja lapsin vet

Reperi Don Xhoni ka arritur kulmin e suksesit me këngët e tij të cilat menjëherë pas lansimit po shndërrohen në hite. Përveç muzikës duket se...

Kurti për grevat: Sindikalistët e PAN-it kanë inat antiqeveritar

Albin Kurti ka votuar sot, me rastin e zgjedhjeve të brendshme të Lëvizjes Vetëvendosje. Pasi votoi, Kurti u deklarua për media, duke thënë se shpreson...

Kolona e pestë

Lajmet e Fundit