13.8 C
Prizren
E enjte, 28 Mars, 2024

Vdes britaniku Howard Clark, Vetëvendosje! ngushëllon familjen e tij

HowardClark-britanikSot, ka ndërruar jetë aktivisti britanik Howard Clark, ish-drejtues i organizatës “War Resisters International”. Clark ka qenë një ndër personat më meritor për lirimin e Albin Kurtit nga burgu serb. Me të dëgjuar lajmin Lëvizja Vetëvendsoje ka dërguar mesazh ngushëllimi për familjen e tij.

“Sot morëm lajmin e hidhur se ka ndërruar jetë aktivisti britanik Howard Clark, ish-drejtues i organizatës War Resisters International. Howard Clark do të mbahet mend për angazhimin e tij për paqen e për drejtësinë, në një numër të konsiderueshëm konfliktesh ndërkombëtare. Howard Clark e ka vizituar shumë herë Kosovën që prej dy dekadash dhe ka qenë njëri prej veprimtarëve më aktivë për lirimin e të burgosurve politikë në burgjet jugosllave, ku ai ndër të tjerë është angazhuar personalisht edhe për lirimin e Albin Kurtit si nga burgjet e Serbisë (1999-2001) po ashtu edhe nga ato të UNMIK-ut (2007-2008). Në vazhdim ai ka qenë mik i Lëvizjes Vetëvendosje! dhe përkrahës i popullit tonë në përpjekjet për drejtësi, liri e barazi.

Howard Clark është edhe autor i librit të mirënjohur “Rezistenca civile në Kosovë” që përshkruan e shpjegon në mënyrë të shkëlqyeshme organizimin, aktivitetet dhe ngjarjet në Kosovën e viteve të ’90-ta, kur e gjithë shoqëria ishte shndërruar në një sistem të rezistencës kundër regjimit të Milosheviqit.

Në këtë rast ngushëllojmë familjen e Howard Clark, bashkëshorten dhe dy fëmijët e tij për humbjen e të dashurit të tyre. Po ashtu ngushëllojmë bashkëveprimtarët dhe kolegët e Clark në WRI, për humbjen e një aktivisti me vlera të mëdha. Në këto çaste, bashkohemi me respekt në dhimbjen për humbjen e Howard Clark. Pastë gjetur ndjesë dhe paqe!”, thuhet në mesazhin ngushëllues të Lëvijes Vetëvendosje. /PrizrenPress.com/

Më Shumë

Latifi në Kavajë mbjell pemën e miqësisë në emër të Komunës së Rahovecit (FOTO)

Kryetari i Komunës së Rahovecit, Smajl Latifi, njofton se me ftesë të kryetarit të Bashkisë së Kavajës, Fisnik Qosja, bashkë me kryetarët e komunave...

Paraburgim për dy të dyshuarit për dhunimin e të miturës nga Prizreni

Gjykata Themelore në Prizren ka caktuar masën e paraburgimit ndaj dy të dyshuarve për dhunimin e një vajze të mitur. Të dyshuarit thuhet se janë...

Lajmet e Fundit