Themeluesi Ikeas, firma suedeze e orendive shtëpiake, Ingvar Kamprad, ka vdekur në moshën 91 vjeçare, bëri me dije kompania.
Kamprad vdiq qetë derisa po flinte në shtëpinë e tij në Småland, në jug të Suedisë, ka thënë Ikea në deklaratën për media, transmeton Koha.net.
Ikea nisi si një dyqan në kopshtin e Kampradit që shiste orë dhe kartolina krishtlindjesh.
Por dyqani u bë i famshëm për dizajnet e thjeshta të orendive, dhe Kamprad si rrjedhojë u bë një prej njerëzve më të pasur në Evropë.
Kamprad jetoi për disa vite në Zvicër, ku u zhvendos në vitet e ’70-ta për t’iu shmangur taksave të larta suedeze.