Sot në moshën 70 vjeçare vdiq poeti e shkrimtari Gani Xhafolli.
Gani Xhaholli u lind në fshatin Drenovc afër Prishtinës në vitin 1945.
I ndjeri punoi redaktor i programit për fëmijë në Televizionin e Prishtinës dhe drejtoi revistën “Zanore”. Ka botuar disa përmbledhje me poezi dhe romane për fëmijë, si:
“Te porta e edhave”,
“Zog shiu”,
“Vjershën s’e zë gjumi”,
Shtëpia me kulm teposhtë”,
“Po”,
“Të dua”,
“Në gojë të gjarprit”,
“Princesha që fluturon”,
“Zgjedhje” etj.
Me rastin e vdekjes së poetit e shkrimtarit Gani Xhafolli, ministri i MASHT-it Arsim Bajrami i ka dërguar një telegram ngushëllimi familjes së të ndjerit.
“Bota akademike, e sidomos bota e fëmijëve do të dëshironte të ndjejë edhe më tutje risitë e shpirtit dhe pendës së poetit. Prandaj, ndarja nga jeta e Xhafolli është një humbje e madhe për Kosovën.
Por, poetët nuk vdesin kurrë, e sidomos ata që kanë zënë vend të veçantë në mendjen e fëmijëve. I tillë do të mbetet z. Xhafolli gjeneratë pas gjenerate, sepse emri i tij është bërë pjesë e pandashme e shkollës shqipe me veprat që na i la si trashëgim”, ka thënë ndër të tjera në telegram Bajrami.