Skena mediatike dhe kulturore ka humbur njërin prej personaliteteve më të rëndësishme e më të pëlqyera, njeriun i cili deri në mjeshtëri e solli poetikën e absurdit, demaskuesin e ideologjive me armën më të fortë për ta bërë këtë e që është humori, shkruan sot Koha Ditore.
Të mërkurën, në orët e hershme të mëngjesit, në Split, vdiq Predrag Luciq, gazetari, satiristi, kolumnisti i “Novi List”, njëherësh themeluesi e redaktori i parë i “Feral Tribune”. Ai ishte 54 vjeç.
Luciq u lind në vitin 1964, në Split, ku edhe kreu shkollimin. Në Beograd studio regji teatri. Në fund të viteve ’80 nisi karrierën si regjisor teatri dhe do të mbahet në mend për shfaqjen e inspiruar nga muzika e Laurie Andersonit, inskenuar në “Verën e Splitit”.