Ish-ylli i serisë së famshme “Dynasty” Kate O’Mara ka vdekur në moshën 74-vjeçare, njofton agjenti i saj.
Aktorja arriti famën për rolin e motrës së Alexis Colby, Cassandra ‘Caress’ Morrell në serinë amerikane në mesin e viteve ’80-ta, dhe në disa role tjera në seritë britanike “Doctor Who”, “Howards’ Way” dhe “Triangle”.
Agjenti i saj Phil Belfield tha se ajo vdiq sot në mëngjes në shtëpinë e saj në Sussex të Anglisë pas një sëmundje të shkurtë.
“Ajo ishte e jashtëzakonshme, ajo kishte energji dhe shumë dashuri për teatrin e aktrimin”, ka thënë ai. “Është shuar një yll dhe Kate do t`i mungojë të gjithëve që kanë pasur rastin ta njohin dhe të punojnë me të”.
Paraqitjen e parë skenike Kate e bëri në vitet e ’60-ta. Por vetëm gjatë viteve ’80-ta ajo pati rolet kryesore në seri.