Fahrije Hoti, historia e së cilës është shndërruar në film artistik të metrazhit të gjatë, propozim ky i Kosovës për çmimet Oscars, tashmë ka kaluar kufijtë. Derisa “Zgjoi”, u vlerësua me tre çmimet kryesore të festivalit prestigjioz “Sundance Film Festival”.
Ajo në emisionin E Diela Vlen me Vlera Jusufin në ATV ka rrëfyer jetën e saj të dhimshme, e cila tregon se si dy fëmijët e saj, nuk kanë arritur ta njohin babanë e tyre, pasi që ai është i zhdukur në lufta e fundit në Kosovë, në masakrën e Krushës së Madhe.
Hoti thotë se vetëm një vit bashkëshorti i saj, ka jetuar me fëmijët, shkruan ATVLIVE.TV
“Unë Sabinën e kam pas 6 vitesh martesë, edhe para luftës kam pas një jetë jo aq të lehtë. Pas 6 vitësh u bëra nënë, dhe për një kohë, burri për 3 vite ka jetu në Gjermani. Sabina ka lind, kur babai i vet e ka pa Sabinën ka qenë 3 vjeçe. Deshti fati më gëzoi dhe me një djalë, por ka qenë vetëm 1 vit, ajo kohë që bashkëshorti ka jetu me fëmijë. Më së shumti më mundon ajo pjesa e atij, sepse ai s’arriti m’i rrit, m’i martu Sabinën e të bëhet gjysh.
Unë në vitin 1999 kur ka vdek ai, kam vdek bashkë me të”, rrëfen ndër të tjerë Fahrije Hoti.
