Kryetari i Prizrenit Ramadan Muja, në mbledhjen e sotme me drejtorët e Ekzekutivit ka marrë një sërë vendimesh. Zëdhënësi i Komunës, Ymer Berisha ka thënë se të gjitha vendimet e që janë marrë në të mirë të qytetarëve.
“Deri në fund të vitit 2014 do të realizohet krasitja dhe prerja e drunjtëve të dëmtuar (të tharë) nëpër qytet”.
“Në zyrën e gjendjes civile në Tusus dhe Zym do të kryhen punë shtesë të rregullimit të infrastrukturës dhe masave të sigurimit fizik”
“Komuna mori vendim që të përkrah veprimtarinë e Shoqërisë-Kulturo-Artistike “Agimi”, për shënimin e 70 vjetorit të themelimit të këtij subjekti kulturor”.
“Në këtë takim u morë vendim për mbështetje materiale të Klubit Futbollistik “Liria””
“Komuna mori vendim që të përkrah zhvillimin dhe vlerat potenciale turistike në Bjeshkët e Kabashit ku potencon bukurit natyrore, monumentet e lashta dhe mundësinë e zhvillimit të turizmit malor, në veçanti turizmin atraktiv siq është ecja në natyrë dhe kampingu”.
“Po ashtu u vendos për formimin e komisionit për përcaktimin e lokacionit për groposjen e trupave të kafshëve të ngordhura.Komuna ka nxjerr vendim që falas të bëhen vizitat për kancer në gji për të gjitha femrat”.
“Në këtë mbledhje u vendos që të bëhet ndërtimi i objektit të AMF-së në fshatin Velezhë”./PrizrenPress.com/