Kryetari i Partisë Demokratike të Kosovës, Kadri Veseli, ka dalë sot në terren në takime të shumta për me mobilizue strukturën e partisë për zgjedhjet e parakohshme nacionale në vend, që do të ndodhin shumë shpejt.
Ai ka qëndrue sot në Malishevë, Rahovec e Suharekë ku asht takue me kryesitë e degëve, të dala nga nji proces shembullor i zgjedhjeve të mbrendshme.
“Zgjedhjet janë të pashmangshme. Partia Demokratike e Kosovës është jashtëzakonisht e përgatitur për zgjedhjet e reja. Ne dalim në këto zgjedhje për fitore bindëse. Sepse, nuk ka asnjë parti më të konsoliduar se ne, nuk ka asnjë parti më të përgatitur sesa ne”, ka thanë Veseli para anëtarëve të partisë së tij në këto tri komuna.
“Ne kemi programin që i duhet Kosovës. Ne e kemi të qartë se ku duhet të jemi si vend edhe në këtë dekadë dhe kemi njerëzit më të mirë që do të implementojnë vizionin për Kosovën. Për shtet më të fuqishëm, për ekonomi më të fortë, për një Kosovë të shanseve të barabarta”, tha ai.