18 C
Prizren
E diel, 31 Gusht, 2025

Veseli e Shurdhaj mbështesin Kilajn për kryetar të Malishevës

PDK-Kilaj-Veseli-ShurdhajNënkryetari i Partisë Demokratike të Kosovës, Kadri Veseli dhe zëvendësministri i Ministrisë së Punës dhe Mirëqenies Sociale, Fatmir Shurdhaj, kanë qëndruar sot në Malishevë, për t’i dhënë kështu, mbështetje të fuqishme kryetarit aktual dhe kandidatit për kryetar të Malishevës Isni Kilajt, i cili i ka njoftuar me rrjedhat e përgjithshme në PDK të Malishevës dhe me zhvillimet e fundit, rreth përgatitjeve për fushatën elektorale.

“Në këtë takim u konstatua se fryma dhe mobilizimi i aktivistëve të PDK-së, është i jashtëzakonshëm, pasi janë angazhuar 1500 aktivistë, në çdo vendbanim të Malishevës, të cilët do të merren me përgatitjen e fushatës në vendet e tyre.

Aderimet e vazhdueshme në PDK, puna ekipore, programi i PDK-së dhe disponimi i popullatës, e siguron fitoren bindëse të PDK-së, qysh në raundin e parë”, thuhet në kumtesë të kësaj partie.

Ndërkaq, Veseli dhe Shurdhaj, e siguruan kryetarin Kilaj, se do ta ketë mbështetjen e plotë të PDK-së, si dhe pas zgjedhjeve, përkrahjen e plotë të Qeverisë së Republikës së Kosovës, në realizimin e projekteve kapitale, përfshi edhe rrugën e transitit për Malishevën./PrizrenPress.com/

Më Shumë

Selmanaj takon ish-kryetarin e Prizrenit, Eqrem Kryeziun: Shembull i politikës me integritet

Kandidati i Lidhjes Demokratike të Kosovës për kryetar të Komunës së Prizrenit, Driton Selmanaj, ka zhvilluar sot një takim të veçantë me ish-kryetarin e...

Hajni me maskë sulmon pronarin e shtëpisë në Romajë të Hasit, i vjedh orën dhe unazën

Një rast grabitjeje ka ndodhur mbrëmë në Prizren, ku një person i maskuar ka hyrë me forcë në një shtëpi dhe ka sulmuar fizikisht...

Lajmet e Fundit