Kryetari i porsazgjedhur i Kuvendit të Kosovës, Kadri Veseli, priti sot në një takim, nënkryetaren e Parlamentit Evropian, Ulrike Lunaçek.
Lunaçek e përgëzoi Veselin për detyrën e re të kryetarit të organit më të lartë ligjvënës të Kosovës, duke theksuar nevojën e angazhimeve të shtuara legjislative.
Veseli tha se qytetarët e Kosovës presin shumë nga institucionet e reja të vendit, andaj është e nevojshme një punë e shtuar në sasi dhe cilësi.
Ai theksoi se puna e tij si kryetar i Kuvendit do të jetë angazhim i vetëm i tij. Ai i ka thënë Lunaçekut, se do të jetë gjithnjë i gatshëm të kontribuojë për të gjithë qytetarët, pa dallim partiak brenda dhe jashtë Parlamentit.
Lunaçek e përgëzoi Kadri Veselin për detyrën e re të kryetarit të Kuvendit të Kosovës, ndërsa një përgëzim të tillë mori edhe Lunaçek për detyrën e re të nënkryetares së Parlamentit Evropian.
“Ju e keni merituar këtë detyrë me punën dhe angazhimin tuaj të veçantë në përkrahjen e vendeve ballkanike, e në këtë kuadër edhe të Kosovës. Qytetarët e Kosovës presin shumë nga institucionet e reja të vendit, prandaj kemi nevojë për punë të shtuar në sasi dhe cilësi”, tha Veseli.