Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.
Një vetaksident trafiku ka ndodhur edhe mëngjesin e sotëm në rrugën ‘Tranziti i vjetër’ në Prizren, ku si pasojë është lënduar një person.
Togeri i Policisë së Kosovës në Prizren, Shaqir Bytyqi, tha për Sinjalin se njësia e komunikacionit po merret me rastin.
“Ne ora 7:20 ne rrugen Tranziti I vjeter eshte raportuar per nje vet aksident trafiku. Nga aksidebti nje person ka pesuar lendime trupore. Njësia e komunikacionit është duke u marr me rastin”, tha Bytyqi.
Ndërkohë sinjalizuesit e Gazetës Sinjali kanë dërguar pamje nga vendi i ngjarjes, ku shihet se vetura që është përfshirë në aksident ka përfunduar jashtë rrugës.
