15.8 C
Prizren
E martë, 16 Prill, 2024

Veteranët e UÇK-së: Ngritja e aktakuzës, tentim për t’i goditur bartësit e luftës

UCK-rreshtOrganizata e Veteranëve të Luftës së Ushtrisë Çlirimtare të Kosovës, ka reaguar ndaj vendimit të prokurorit të EULEX-it, për ngritje të aktakuzës ndaj disa ish-komandantëve dhe ushtarëve të UÇK-së, i njohur si rasti, Grupi i Drenicës.

“Ngritja e aktakuzës kundër bashkëluftëtareve tonë të ZO të Drenicës, argumenton tentimin e vazhdueshëm të EULEX-it për të goditur bartësit e luftës çlirimtare. Persekutimi i vazhdueshëm i luftëtarëve të lirisë nga EULEX, në fakt ka argumentuar se këta kanë vetëm një detyrë në Kosovë: njollosjen e luftës çlirimtare të kombit shqiptar në krye me Ushtrinë Çlirimtare të Kosovës, për të nxjerr përfituese Serbinë dhe bashkëpunëtorët e saj të shumtë në Kosovë”, thuhet në reagim.

Sipas veteranëve, aktakuza e ngritur kundër luftëtarëve të orëve të para të UÇK-së, bashkëluftëtarëve të Komandantit Legjendar Adem Jashari, prek vet lirinë dhe themelet e shtetit të Kosovës. Ata konsiderojnë se EULEX nuk është i interesuar aspak për drejtësinë, mori hapin e gabuar të radhës, për të kënaqur apetitet e Serbisë dhe bashkëpunëtorëve të regjimit të Milosevicit.

Organizata e Veteranëve të Luftës së UÇK-së kërkon që të ndërpriten këto procese të montuara politike dhe që luftëtarët e UÇK-së të lirohen menjëherë.

Siç dihet, sot prokurori italian, Maurizio Salustro, ka ngritur aktakuzë kundër Sami Lushtakut, kryetar i Skenderajt, Sabit Geci dhe Sahit Jashari, të cilët akuzohen për vrasje; ambasadorit Sylejman Selimi, Hysni Thaçit, Zeqir e Jahir Demakut, të cilët akuzohen për tortura në një burg të supozuar të UÇK-së në Likoc të Drenicës.

Më Shumë

Përkujtohen dëshmorët dhe martirët e Lubizhdës së Hasit

Në Lubizhdë të Hasit, të premten është mbajtur manifestim përkujtimor në nderim të 14 dëshmorëve dhe 40 martirëve të këtij lokaliteti. Familjarë të dëshmorëve...

Lumbardhi dhe Kaderi shkojnë ta shohin Vedat Muriqin në stërvitje të Mallorcas

Çifti Lumbardh Salihu dhe Kader Kicaj prej disa ditësh ndodhen në Spanjë. Përveç kohës së mirë që po kalojnë së bashku, ata janë përfshirë edhe...

Lajmet e Fundit