Qendra e Lëvizjes Vetëvendosje në Dragash ka shprehur qëndrimin se vizitat studimore për anëtarët e Kuvendit të Komunës janë të papranueshme për këtë subjekt politik pasi që ato realizohen pa protokoll, në vende turistike e me paratë e taksapaguesve.
Një vizitë e tillë sipas LVV-së është organizuar edhe gjatë fundjavës së shkuar dhe se pretendimet e mësipërme konfirmohen nga fotografitë e publikuara në rrjetet sociale nga anëtarë të caktuar të KK-së së Dragashit.
“’Vizitat studimore’ për anëtarët e KK-së janë një mashtrim që po u bëhet qytetarëve të Komunës sonë. Fotot e anëtarëve të KK-së të plasuara në rrjetet e tyre sociale i vërtetojnë pretendimet tona. Vizitat e tyre pa protokoll nëpër vende turistike e me para të popullit, janë të papranueshme për ne si Lëvizje Vetëvendosje”, thuhet në reagimin e Qendrës së LVV-së në Dragash