Kuvendi i Prizrenit ka miratuar unanimisht propozimin e Vetëvendosjes për ndërtimin e Galerisë së Arteve të Qytetit të Prizrenit.
Kuvendari i VV-së Arbër Rexhaj ka propozuar në Bordin për Mbikqyrje tw Objekteve Kulturore dhe Sportive për ndërtimin e kësaj galerie.
Rexhaj ka propozuar që kjo galeri të menaxhohet me vetëfinancim, të ketë drejtorin, si dhe stafin profesional përmes një konkursi, ndërsa ndërtimi i Galerisë të bëhet në afërsi të Lidhjes Shqiptare të Prizrenit, duke pasur parasysh ruajtjen e trashëgimisë kulturore dhe histrorike.
“Për këtë punë duhet të ketë edhe shqyrtim publik:, ka propozuar ai. Propozimi i Arbër Rexhajt, është votuar unanimisht.
Në mbledhje me këtë propozim është pajtuar edhe Kujtim Gashi, kryesues i këtij Bordi.
“Megjithatë për këtë çështje duhet të pyeten, kryesisht komuniteti i artit në Prizren, ata e dinë më mirë”.
Sot në mbledhjen e Kuvendit të Prizrenit, ku pjesë e diskutimit të seancës së jashtëzakonshme të sotme ishte rishikimi i buxhetit për pjesën e dytë të vitit 2015, kryesuesi I Kuvendit të Prizrenit ka kërkuar që të ketë ndarje të buxhetit për Galerinë e Arteve të Prizrenit.
“Kërkoj të ketë vijë buxhetore për kërkesën e cila ka kaluar në Bordin për Mbikqyrje të Objekteve të Kulturës dhe Sporteve”. Me ç’rast, kjo kërkesë e z. Gashit ka kaluar në Kuvendin e Prizrenit.
Rexhaj tha se për këtë projekt ka takuar pothuajse shumicën e piktorëve, artistëve dhe artëdashësve të Prizrenit, dhe se ka paraqitur zërin e tyre. “Kërkesa ime vie, si kërkesë e komunitetit artistik” dhe më vjen mirë që më në fund kaloi.
“Shpresoj që kërkesave dhe brengave të qytetarëve po i përgjigjemi, sepse kjo është puna jonë”./PrizrenPress.com/