Ministri i Zhvillimit Ekonomik, Blerand Stavileci është sulmuar me vezë nga aktivistë të Lëvizjes Vetëvendosje!.
Vetëvendosje!, pa treguar vendin e sulmit me vezë ka njoftuar se sot kanë gjuajtur ministrin Stavileci, për t’i treguar edhe një herë Qeverisë së Kosovës se pa u tërhequr marrëveshjet me Serbinë dhe demarkacionin me Malin e Zi, nuk do të ketë qetësi dhe rahati për ministrat.
“Ministri i Zhvillimit Ekonomik, Blerand Stavileci, është një nga përgjegjësit për shkatërrimin ekonomik të Kosovës. Ai bashkë me kryeministrin Isa Mustafa, u tërhoqën nga Ligji për Trepçën, meqë një gjë të tillë e kërkoi Beogradi”, thuhet në komunikatën e VV-së.
Më tej thuhet se “për t’i shkuar edhe më për shtati politikave të Serbisë mbi Kosovën, ministri Blerand Stavileci dje në Beograd nuk guxoi asnjëherë ta përmend fjalën Republikë, pra nuk guxoi të thotë ‘Republika e Kosovës’, përderisa në anën tjetër Marko Djuric vazhdimisht i referohej Kosovës si Kosovë e Metohi”.
http://dai.ly/x3j17t5