Vjen edhe befasia e parë në vizitën e zyrtares së lartë amerikane Victoria Nuland. Siç ka bërë të ditur shërbimi për media i Kuvendit të Kosovës, nga takimi mes Zonjës Nuland dhe Kryetarit të Kuvendit të Kosovës Kadri Veseli nuk do të ketë as pamje e as fotografim, shkruan Gazeta Blic.
Në vijim komunikata zyrtare nga Kuvendi i Kosovës:
Njoftim lidhur me takimin e paralajmëruar të kryetarit Veseli me znj. Nuland
Gjatë takimit të sotëm të kryetarit të Kuvendit të Republikës së Kosovës, Kadri Veseli, me ndihmësen për çështje të Evropës dhe Azisë të sekretarit të shtetit, John Kerry, znj.Victoria Nuland, të paralajmëruar dje, ju njoftojmë se nuk do të ketë deklarime për media e as pamje.
Lidhur me takimin, do të njoftoheni nëpërmjet një komunikate.
Kërkojmë mirëkuptimin tuaj.