Drejtoria e Policisë Rajonale në Prizren bën të ditur se mbrëmë rreth orës 21:30 minuta është përfshirë nga zjarri depoja e Qendrës Tregtare “Viva Fresh”, derisa zjarri është lokalizuar nga ekipet e zjarrfikësve.
“Rreth orës 21:30 minuta, në ambientet e depos së Qendrës Tregtare “VIVA FRESH” në rrugën “Tirana” ka shpërthyer një zjarr i cili është lokalizuar nga Njësiti i zjarrfikësve”, thuhet në njoftim.
Pas pranimit të informatës, Polica e Prizrenit ka dalë në vendin e ngjarjes dhe ka kuptuar se zjarri ka shpërthyer në depot ku janë të vendosur frigoriferët.
Sipas një menaxheri dyshohet se vlera e dëmit mund të jetë rreth 10,000 euro.
“Dyshohet se shkaktari zjarrit të jetë korrenti elektrik. Në vendin e ngjarjes kanë dalë hetues policorë dhe krim teknikët”, thuhet në fund. /PrizrenPress.com/