27 C
Prizren
E martë, 11 Maj, 2021

Vlerat e UÇK-së nuk mund t’i baltosë askush

Ish-kryetari i Kuvendit të Kosovës, Jakup Krasniqi, ka bërë me dije se luftën çlirimtare nuk mund ta baltosë askush. Ai ka deklaruar se vlerat e UÇK-së janë krijuar me shekujt dhe ato do të shkëlqejnë çdoherë.

Në këtë intervistë dhënë për gazetën “Epoka e re”, Krasniqi ka thënë se asnjë proces që bazën e ka në dëshmitë e rrejshme të Shërbimit të Sigurimit të Serbisë nuk mund t’i dëmtojë vlerat që ka krijuar UÇK-ja.

“Ajo Gjykatë Speciale e dëmton të sotmen e të ardhmen e kombit e të shtetit tonë! I kanë shërbyer kukuvajkat e vajtojsat që i kanë amnistuar armiqtë e kombit që me dekada ishin e janë në shërbim të armiqve të kombit. Natyrisht, kësaj gjykate i kanë shërbyer dhe i kanë shërbyer shumë edhe kundërshtarët e UÇK-së brenda e jashtë Kosovës. Një shërbim të tillë, të keq vendit, ia bënë edhe institucionet e larta të shtetit, si Kuvendi dhe jo vetëm ai! Një gjë dihet: Ari mund të baltoset, por ai kudo që bie e ruan shkëlqimin e vet”, ka thënë Krasniqi.

Ai ka vlerësuar se vlerat e UÇK-së janë ideali për liri dhe shteti që gëzojmë sot. “Vlerë e UÇK-së është ideali për liri, është pavarësia, është shteti që e kemi e po e gëzojnë qytetarët e Kosovës. Nuk mund të respektohet UÇK-ja pa e respektuar shtetin e së drejtës që është krijesa më e natyrshme e luftës çlirimtare. Institucionet e Kosovës, nëse nuk frymëzohen nga vlera e lëvizjes kombëtare për çlirim, nga Ushtria Çlirimtare e Kosovës dhe komandanti i saj legjendar, nuk mund të realizojnë e finalizojnë shtetndërtimin”, ka thënë Krasniqi.

Ish-zëdhënësi i UÇK-së ka treguar se pas “Epopesë së Ushtrisë Çlirimtare të Kosovës” në Prekaz, pas 5, 6 e 7 marsit 1998, kanë ndryshuar në mënyrë të rrufeshme rrjedhat e mobilizimit e të masivizimit të kombit për luftën çlirimtare. “Gjithçka që ka ndodhur nga atëherë e deri më sot, burimin e ka pasur dhe e ka në Prekazin e Adem Legjendarit. Shkurt, liria, pavarësia e shteti ynë aty i kanë themelet e ngritjes. Kushdo që këto vlera kombëtare tenton t’i kërkojë diku tjetër, ata nuk bëjnë gjë tjetër veçse tregojnë përralla me shumë mbretër”, ka thënë Krasniqi.

“Epoka e re”: Z. Krasniqi, Kosova ka nisur shënimin e manifestimit tradicional “Epopeja e UÇK-së”, e cila përkujton sakrificën e jashtëzakonshme të Jasharëve. Cili ka qenë ndikimi i 5, 6, dhe 7 marsit të vitit 1998 në rrjedhat e historisë?
Krasniqi: Duhet të themi se deri atëherë UÇK-ja ishte emri i një guerilje të kufizuar në disa rrethe të vogla veprimi. Pas Epopesë së Ushtrisë Çlirimtare të Kosovës në Prekaz, pas 5, 6 e 7 marsit 1998 kanë ndryshuar në mënyrë të rrufeshme rrjedhat e mobilizimit e të masivizimit të kombit për luftën çlirimtare, mobilizimi i së cilës pengohej nga ata që duhej të ndihmonin, por se ndihmuan e më shumë e sabotuan. Pas 5, 6 e 7 marsit lufta nuk kishte kthim prapa dhe nuk kishte forcë politike, as brenda e as jashtë vendit, që mund ta ndalte atë. Gjithçka që ka ndodhur nga atëherë e deri më sot, burimin e ka pasur dhe e ka në Prekazin e Adem Legjendarit. Shkurt, liria, pavarësia e shteti ynë aty i kanë themelet e ngritjes. Kushdo që këto vlera kombëtare tenton t’i kërkojë diku tjetër, ata nuk bëjnë gjë tjetër veçse tregojnë përralla me shumë mbretër.

“Epoka e re”: Gjatë këtyre 20 vjetëve, sa kanë bërë institucionet e Kosovës për sakrificën e komandantit legjendar Adem Jashari dhe familjes së tij?
Krasniqi: Familja e komandantit legjendar dhe ai vetë nuk ka rënë për veten e tyre, por kanë rënë për lirinë e mirëqenien e të gjithë qytetarëve të Kosovës, ka rënë për çlirimin e bashkimin e kombit. Puna e institucioneve shihet sa kanë arritur të krijojnë siguri, zhvillim e prosperitet për kombin. Atë që e kanë bërë për kombin, e kanë bërë edhe për Jasharët e rinj. Prandaj, nuk është lehtë për institucionet e sotme që ta përmbushin amanetin e Jasharëve legjendarë.

“Epoka e re”: Republika e Kosovës tashmë ka shënuar 12-vjetorin e pavarësisë. A po respektohen sa duhet nga institucionet dhe shoqëria e Kosovës vlerat e UÇK-së?
Krasniqi: Vlerë e UÇK-së është ideali për liri, është pavarësia, është shteti që e kemi e po e gëzojnë qytetarët e Kosovës. Nuk mund të respektohet UÇK-ja pa e respektuar shtetin e së drejtës që është krijesa më e natyrshme e luftës çlirimtare. Institucionet e Kosovës, nëse nuk frymëzohen nga vlera e Lëvizjes Kombëtare për Çlirim, nga Ushtria Çlirimtare e Kosovës dhe Komandanti i saj Legjendar, nuk mund ta realizojnë e finalizojnë shtetndërtimin.

“Epoka e re”: Gjatë kësaj kohe, jo rrallë, janë sulmuar në mënyra të ndryshme vlerat e luftës së çlirimtare. Si i keni parë këto veprime?
Krasniqi: Në botë kudo ka antivlera më shumë sesa vlera, sesa integritet e dinjitet, prandaj vlera është në shënjestër të frikacakëve që u është prishur rehatia që e kishin nën sundimin e huaj. Prandaj, vlerat kudo sulmohen nga antivlerat e lirisë e të çlirimit. Edhe ari në natyrë është në pakicë në krahasim me shumë metale të tjera të ndryshkura. Por, ndryshku gjithnjë rrinë larg arit!

“Epoka e re”: Deri më tani Gjykata Speciale ka dorëzuar qindra ftesa për intervistim për ish-luftëtarët e UÇK-së. A mund ta dëmtojë ky proces luftën e lavdishme çlirimtare të Kosovës?
Krasniqi: Jo, asnjë proces që bazën e ka në dëshmitë e rrejshme të Shërbimit të Sigurimit të Serbisë, siç ishin dëshmitë e raportit të Dick Martit, nuk mund t’i dëmtojë vlerat që ka krijuar UÇK-ja. Ato janë vlera që i kanë krijuar shekujt. Ajo Gjykatë Speciale e dëmton të sotmen e të ardhmen e kombit e të shtetit tonë! I kanë shërbyer kukuvajkat e vajtojsat që i kanë amnistuar armiqtë e kombit që me dekada ishin e janë në shërbim të armiqve të kombit. Natyrisht, kësaj gjykate i kanë shërbyer shumë edhe kundërshtarët e UÇK-së brenda e jashtë Kosovës. Një shërbim të tillë, të keq vendit, ia bënë edhe institucionet e larta të shtetit, si Kuvendi dhe jo vetëm ai! Një gjë dihet: Ari mund të baltoset, por ai kudo që bie e ruan shkëlqimin e vet.

Më Shumë

Që nga janari, 27 të vdekur në aksidente rrugore

Që nga fillimi i këtij viti, në katër mujorin e parë janë shënuar rreth 5835 aksidente, pothuajse dyfishi i aksidenteve të raportuara në vitin...

Zafir Berisha e kujton “Drinin”: Vrasja e tij ishte humbje për Prizrenin

Ish-komandanti i UÇK-së, Zafir Berisha, ka kujtuar bashkëluftëtarin, Ekrem Rexha -‘Drini’, në 21 vjetorin e vrasjes. Sipas tij, vrasje e “Drinit” nuk ishte humbje vetëm...

Behrami mendon tërheqjen nga futbolli

Pas 18 viteve të luajtura në nivele të larta, Valon Behrami po mendon t’i jap fund karrierës futbollistike. Mesfushori nga Kosova që aktivizohet me skuadrën...

Katër të vdekur dhe 153 rasts me Covid në Kosovë

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, si dhe laboratoret publike dhe private...

Detaje nga rasti i mbytjes së katërvjeçares në lumin e fshatit Blaç të Dragashit

Në fshatin Blaç të Komunës së Dragashit është raportuar se një vajzë katërvjeçare humbi jetën pasi kishte rënë në lum. Ekipi i Klan Kosovës ishte...

Haskuka: Jemi duke e pritur drejtësinë e vonuar për vrasjen e ‘Drinit’

Me rastin e shënimit të 21 vjetorit të vrasjes tinëzare të Ekrem Rexhës - komandant Drinit, kryetari i komunës së Prizrenit Mytaher Haskuka së...

Kërcënohet Beni Kizolli

Dje rreth orës 13:07 është kërcënuar drejtori i Urbanizmit dhe Planifikimit Hapësinor në Prizren, Beni Kizolli. Burimet e Sinjalit tregojnë se i njëjti, është kërcënuar...

“Gjakderdhje financiare”, PSD i hedh ngjyrë Qeverisë, ka arrestime

Partia Socialdemokrate ka mbajtur sot aktivitet në oborrin e objektit të Qeverisë. Zyrtarë të kësaj partie kanë hedhur ngjyrë të kuqe në drejtim të objektit...

Dy vjedhje të rënda kryhen për një ditë në rajonin e Prizrenit

Gjatë ditës së djeshme janë raportuar dy raste të vjedhjeve të rënda në rajonin e Prizrenit. Në orët e mëngjesit të së premtes në rrugën...

Melisa dhe Andi puthje të zjarrtë në mes të emisionit

Ish-konkurrentët e Për’puthen, Melisa dhe Andi janë të ftuar sot në rubrikën “Trotuar” në “E Diell”. Në studio nuk kanë munguar as përplasjet me Shqipe...

Nisin hetimet ndaj pjesëmarrësve që u përleshen në ndeshjen mes Ponte Prizrenit dhe Pejës

Ministria e Rinisë, Kulturës dhe Sportit ka njoftuar se kanë nisur hetimet ndaj Ponte Prizrenit dhe Pejës pas përleshjes mes dy klubeve të martën....

Ylli për të shkruar historinë, Peja për ta ngushtuar epërsinë, takohen sot në përballjen e tretë të finales

Sot do të zhvillohet përballja e tretë e finaleve të “Play-offit” në Superligën e Kosovës në basketboll ndërmjet Pejës dhe Golden Eagle Yllit, raporton...

5 të shëruar dhe asnjë i ri me Covid sot në Malishevë

Në 24 orët e fundit, në territorin e Komunës së Malishevës, pesë persona janë shëruar nga covid-19 dhe nuk është regjistruar asnjë rast i...

Rexhaj: Na i kanë fyer deputetet në baza gjinore, s’ma zë goja atë fjalë

Deputeti i VV-së, Arbër Rexhaj, ka thënë në emisionin dPt te Fidani në T7 se dikush nga deputetët e PDK-së i ka fyer deputetet...

Kënga e vitit 1886 që flet për shitësin e misrave nga Prizreni në rrugicat e Kostandinopojës

“La Tradition” ka botuar, me 1 janar 1906, në faqet 15-17, një këngë të veçantë popullore shqiptare, kënduar asokohe rrugicave të Kostandinopojës nga një...

Kërkoi vaksinim të detyrueshëm, kryetari i bashkisë në Poloni kërcënohet me vdekje

Pas vendimit të selisë qendrore të Walbrzych, një qytet i vogël në Poloninë jugperëndimore, për të bërë të detyrueshëm vaksinimin kundër koronavirusit, kryetari i...

Lajmet e Fundit