Lëvizja Vetëvendosje! dënon ashpër intervenimin brutal të Policisë së Kosovës ndaj veteranëve të luftës së UÇK-së, që po protestonin në magjistralen Prishtinë – Han i Elezit.
“Moskujdesi i shtetit të Kosovës ndaj veteranëve të luftës, dhe margjinalizimi i tyre tash po shfaqet edhe përmes shtypjes konkrete të tyre duke i sulmuar dhunshëm me polici, pra në vetmen gjuhë që e di kjo qeveri kur përballet me pakënaqësi qytetare. Në të njëjtën kohë kur zyrtarët qeveritar, duke u thirrur në emër të UÇK-së po e gllabërojnë secilën pasuri publike për vete, e kanë rritur brutalitetin ndaj pikërisht atyre ushtarëve të UÇK-së që po angazhohen e të gjithë ushtarëve dhe vlerave të luftës”, thuhet në reagimin e LVV-së.
LVV mbështet kërkesat e drejta të veteranëve.
“Qytetarët e Kosovës kanë plotësisht të drejtë dhe shumë arsye që të protestojnë kundër kësaj nëpërkëmbje të vazhdueshme të qytetarëve dhe degradimit të shtetit”.