Eddie Hearn, menaxheri dhe promotori i njohur i boksit, ka bërë me dije se deri më tani janë shitur vetëm 60 për qind e biletave të hedhura në shitje për revanshin e peshave të rënda në boks, mes kampionit në fuqi, amerikanit Deontay Wilder (kategoria WBC) dhe sfidantit britanik Tyson Fury.
Kjo përballje e dytë mes dy boksierëve të pamposhtur do të zhvillohet më 22 shkurt në Las Vegas. Sfida e parë zhvilluar në dhjetor të 2018-ës u mbyll në barazim.
Sipas Hearn (është menaxheri i Joshua), kjo sfidë do të arrijë deri në 600 mijë PPV (pay per view – paguaj për ta parë), larg pritshmërisë së organizatorëve.