Piktori nga Kosova, Xhevdet Spahija, ekspozon për herë të parë punimet e tij në Tiranë në Muzeun Historik Kombëtar. Femra nudo është muzë e krijimtarisë së artistit.
Dëshirën e tij të kahershme për të ekspozuar punimet e tij në Muzeut Historik Kombëtar, piktori nga Kosova, Xhevdet Spahija më në fund e bënë realitet, raporton abcnews.
Nudoja mbizotëron në telajon e piktorit, për të cilën thotë se e ka frymëzim të brendshëm. Shpesh figurat femërore që mbizotërojnë në punimet e tij janë pjesë dhe e imagjinatës, por ka edhe nga ato të cilat kanë pozuar nudo për orë të tëra në studio dhe natyrë.
Piktura e tij është e përqendruar në disa cikle. Një vend të veçantë zënë legjendat shqiptare si Kush e solli Doruntinën…
Ndjesitë që merr nga personazhet e letërsisë i shëmbëllen dhe në telajon e tij si Manon Lesko.
Në punimet e prezantuara nuk mungojnë edhe peizazhet shqiptare si derdhja e Bunës, realizuar në pjesëmarrjen e Kolonisë së piktorëve mbarëshqiptar.
Në 64 punimet mbizotëron teknika e vajit si dhe tematika shqiptare, krijuar herë në formë reale , por nuk mungon psikoanaliza.
Piktori Spahija ka ekspozuar punët e tij në disa vende europiane.
