Tmerri i militantëve të shtetit islamik (IS) më nuk njeh kufij. Kushdo që nuk i përshtatet interpretimit të Islamit sipas rregullave të tyre, rrezikohet të dënohet me vdekje.
Këtë çmim të lartë e kanë paguar së fundi edhe pesë falltorë nga qyteti i Irakut verior, Mosul, ku xhihadistët i ekzekutuan duke ua prerë kokat, njoftoi zëdhënësi i Partisë Demokratike të Kurdistanit (KDP), Sa’edi Mamuzini.
“Pas një gjyqi të shkurtër në Mosul, militantët ua prenë koka falltareve”, tha Mamuzini, duke shtuar se pas ekzekutimit, trupat e falltareve u hodhën në greminë, në vend se të varroseshin.
Gratë e ekzekutuara ishin me prejardhje arabe, ndërsa u arrestuan muajin e kaluar duke u akuzuar se punojnë kundër Islamit.
“Kjo nuk është hera e parë që është bërë një gjë e tillë. Ka shumë ngjarje të tilla në Mosul dhe zonat përreth”, tha Mamuzini.
Këto akuza kundër xhihadistëve vijnë para arritjes së një ekipi të posaçëm të Kombeve të Bashkuara në Irak, i cili hetojë krimet e kryera të militantëve në veri të Irakut, sidomos në Mosul, raporton agjencia kurde “Basnews”.