Zyrtari për informim i Komunës së Prizrenit, Ymer Berisha i është kundërpërgjigjur reagimit të LDK-së për çështjen e adresave në qytet.
“Komuna e Prizrenit dhe kryetari prof.dr. Ramadan Muja, personalisht është angazhuar dhe ka kërkuar qe të përmbyllet kjo politikë publike, nga drejtoria e Urbanizmit dhe Planifikimit Hapësinor”, thuhet në reagimin e Berishës.
“Sipas DUPH-së, në këtë politikë publike është duke u punuar intensivisht dhe ka rezultate te prekshme, por realizimi i tërësishëm kërkon mjete financiare, të cilat nuk janë paraparë me kod buxhetor dhe jemi te detyruar të presim rishikimin e buxhetit në qershor që të vazhdojmë me finalizimin e sistemit të adresave të komunës sonë”.
“LDK, dhe kryetari i saj është mirë që korrekt të lexojë dhe analizojë politikat publike dhe mos ta krahasojë komunën e Prizrenit me komunat si Shtimja e Juniku, ngase del jo serioz në analiza dhe komunikim me qytetaret”.
“Për ironinë edhe më të madhe, këshilltari i kryetarit të LDK-së, ( B.O. ), është udhëheqës i këtij projekti nga drejtoria e urbanizmit, që LDK-ë, është dashur ta konsultoi atë për detajet e jo të provoj të bëjë vetëm lajmin mediatik të radhës, pa qëndrueshmëri, politike e administrative”.
“Komuna e Prizrenit do vazhdojë maksimalisht dhe kujdesshëm që së bashku më gjithë akterët tjerë dhe qytetaret, të realizojë të gjitha projektet për jetë më të mirë për të gjithë ne”./PrizrenPress.com/