Zëdhënësi i Komunës së Prizrenit, Ymer Berisha tha se policia ka informuar kryetarin e komunës Ramadan Mujën për arrestimin e drejtorit dhe zyrtarëve të tjerë të Arsimit.
“Lidhur me arrestimin e të dyshuarve jemi njoftuar nga policia”, ka thënë Berisha për Tv Prizrenin.
“Ne respektojmë çdo vendim të organeve të hetuesisë dhe drejtësisë lidhur me këtë rast”, ka thënë ai.
“Komuna pret se çka do të thonë organet e hetuesisë në Prizren dhe varësisht nga kërkesat që do të dalin nga organet e hetuesisë, pason edhe vendimmarrja në Komunën e Prizrenit, por gjithçka do të jetë brenda hapësirave ligjore, për arsye se ne jemi deklaruar se përgjegjësia është individuale dhe jemi të gatshëm të ju shërbejmë qytetarëve tonë në 24 orë”, tha Berisha.