Visar Ymeri deputet nga Lëvizja Vetëvendosje ka drejtuar pyetje drejt Kryeministrit të Kosovës Isa Mustafës, se si e ka nënshkruar marrëveshjen për drejtësi.
“A e keni nënshkruar ju personalisht në emër personal, apo si kryeministër i Kosovës”, ka shtruar pyetje Ymeri.
Deputeti i VV-së, ka kërkuar që të dihet se çka përmban teksti i marrëveshjes dhe sa pika janë në të.
“Dikush po thotë se janë 14 pika e disa po thonë se janë 15 pika. Duhet ta diskutojmë tekstin e marrëveshjes se për këtë po flitet, se vizat e senet tjera po i bisedojmë çdo ditë. Deri më sot nuk e dimë se çka përmban ai tekst”, tha Ymeri gjatë seancës së Kuvendit.