“Kosova dhe qytetarët e saj shërbejnë si mundësi e mirë për të eksperimentuar”. Kështu është shprehur kryetari i Bashkimit Demokratik, Zafir Berisha, në kohën kur Kuvendi po diskutonte për veprimtarinë e misionit të EULEX-it në Kosovë. Berisha tha se Kosova vazhdon të jetë vend eksperimental për ndërkombëtaret. Sipas tij, raportet e fundit tregojnë se misioni i EULEX-it është mision i dështuar.
“EULEX-i është vazhdimësi e dështimit të misionit të UNMIK-ut në Kosovë. Në kuadër të këtyre misioneve kanë qenë njerëz të cilët vijnë nga vende ku funksionon anarkia dhe nuk dinë se çka është demokracia si Banglladeshi dhe India”, ka thënë Berisha.
Deputeti i Nismës për Kosovën, ngriti shqetësimin se Kosova dalëngadalë po rrëshqet drejt një vendi të falimentuar./Gazeta Tribuna/