Deputeti nga ‘Nisma’ për Kosovën, Zafir Berisha ka nënvizuar se si çdo segment tjetër i jetës, që është i kapur nga parapolitika, po ashtu, siç tha, edhe përshpejtimi në trajtimin e lëndëve të caktuara nga organet e drejtësisë për fatin e keq shkon përmes preferencave politike dhe të njerëzve me influencë nga institucionet.
” Ne kemi qytetarë jo me pesë vjet, por edhe me dhjetë vjet që lëndët e tyre nuk trajtohen nga gjykatat, derisa në anën tjetër dikujt brenda një periudhe më të shkurtër, apo shumë të shkurtër, i trajtohet dhe i përfundon lënda. Kjo, d.m.th është shqetësim i qytetarëve ku ne çdo ditë përballemi me njerëz, të cilët ankohen në organet e drejtësisë se nëpër sirtarët e tyre, u rrinë lëndët të patrajtuara aty edhe me nga 7 apo 8 vjet, dhe në anën tjetër, kemi segmente të caktuara të krimit të organizuar, ku përmes lidhjeve të ndryshme që intervenojnë në lëndë të ndonjë personi që ka lidhje, ato trajtohen brenda një periudhe shumë të shkurtër, andaj kjo është më se e papranueshme”, ka vijuar ai.
“E tërë kjo vjen si rezultat i katrahurës që ka përfshirë gjitha institucionet, ku ata që e kanë kapur shtetin janë duke ndikuar në forma të ndryshme edhe në organet e drejtësisë”, ka deklaruar për gazetën “Kosova Sot” deputeti Zafir Berisha
(Kosova Sot)