Ish- komandanti i UÇK-së, Zafir Berisha, ka përkujtuar dëshmorin e kombit, Remzi Ademaj-“Petriti”.
“Remziu ra për të mos vdekur kurrë në momentet vendimtare për UÇK-në”, shkruan Berisha në Facebook.
“Para 22 vitesh, duke u kthyer nga një takim në SH.P i UÇK-së në Kleçkë, ku ishte me detyra të veçanta, me 15.08.1998 në udhëkryqin e fshatit Nashec bie në pritë të forcave serbe komandant Remzi Ademaj-Petriti, kurse plagosen rëndë Shukri Quni e Sami Saitaj-Shqiponja”, kujton Berisha.
“Xhevet Berisha që ishte në shoqërim të Petritit, me luftë e shpërthen pritën e trefishtë, duke marrë me vete njërin nga të plagosurit rënd Shukriun, të cilin e sjellë deri në Zonën e lirë të UÇK-së”.
“Xhevati nga fushëbeteja largohet me brengën se përpos Petritit ka mbet i vrarë edhe ‘Shqiponja’, i cili ishte plagosur rëndë ku me ndihmën e fshatrave të fshatit Nashec, Kobaj dhe Vlashnje në mëngjesin e 16.08.1998 sillet në spitalin ushtarakë në Malësi të Vrrinit bashkë me trupin e pajetë të kom. Petritit i cili u varros me nderime të larta ushtarake”.
“Remziu ra për të mos vdekur kurrë në momentet vendimtare për UÇK-në, kur ishte duke u bërë transformimi i ushtrisë nga Njësite dhe Shtabe Lokale në Brigada dhe Zona Operatve”.
“Ne bashkëluftëtarët e komandat Remzi Ademajt-Petriti humbjen e tij e shndërruam në forcë dhe luftën për lirin e Kosovës e vazhduam me shumë beteja e aksione deri me 12 qershor 1999 ku përfundimisht okupatori serbo-sllavë dhe argatët e tyre kapitulluan dhe Kosova filloj të frymoi lirishtë”./PrizrenPress.com/