Kryetariu i Bashkimit Demokratik, Zafir Berisha, në balotazh do të përkrah kandidatin e LDK-së, për kryetar të Prizrenit, Eqrem Kryeziun. Marrëveshja në mes BD-së dhe LDK-së, pritet të nënshkruhet shumë shpejtë.
Burimet e “PrizrenPress-it” bëjnë të ditur se Berisha është pajuar që në balotazh të hyjë në koalicion me LDK-në. Sipas të njetit burim, ai ka marrë mbështetje edhe nga Kryesia që të hyjë në koalicion me LDK-në. “Shumë shpejt pritet që të nënshkruhet publikisht marrëveshja me LDK-në”.
Ndërkaq, Zafir Berisha, ka qenë i pamundshëm që të kontaktohet. Ai nga orët e mbrëmjes e ka mbyllur telefonin.
Një zyrtar i BD-së, ndërkaq me kusht anonimiteti tha se ende nuk është marrë vendimi se me cilën parti të shkohet në koalicion. “ Kryesia e ka autorizuar kryetarin dhe një grup të ekspertëve që të vazhdojnë negociatat”.
Bashkimi Demokratik, në zgjedhjet e 3 nëntorit ka dalë partia e tretë në Prizren. Për shkak të këtij rezultati PDK-ja dhe LDK-ja dëshirojnë që këtë subjekt politik ta kenë në balotazh./PrizrenPress.com/