Përflitet prej kohësh se Presidenti rus Vladimir Putin dhe gjimnastja olimpike Alina Kabaeva janë në një marrëdhënie dhe se kanë madje edhe fëmijë.
Por disa foto të fundit të bukuroshes ruse kanë “tronditur” të gjitha mediat botërore, edhe pse Kremlini ka zgjedhur të heshtë. Alina është shfaqur me një unazë të mrekullueshme diamanti, e veshur me një fustan të bardhë dhe më e lumtur se kurrë.
Kanë mjaftuar këto foto që mbarë bota të aludojë se presidenti rus i ka propozuar për martesë bukuroshes 33 vjeçare.
Theksojmë se Putin nga ana tjetër, është zyrtarisht beqar, pasi u nda nga bashkëshortja Lyudmila, pas 30 vjetëve martesë.
Jeta private e Putin ishte tabu në Moskë, por mediat amerikane raportojnë se lidhja e tij me Alinën ka nisur ndërkohë që Putin ishte ende i martuar.
