Nobeli ballkanik për letërsi, “Ballkanika”; një garë prej shtatë shkrimtarëve që zhvilloi punimet këtë fundjavë në Tiranë, ka kurorëzuar shkrimtaren bullgare Zdravka Eftimova, që fitoi çmimin “Pernik Stories” me novelën “Pernishki Razkazi”.
Eftimova triumfoi në garë me Ylljet Aliçkajn nga Shqipëria, Dimitrios Stefanakis nga Greqia, Mitko Madzunkov nga Maqedonia, Mirela Roznoveanou nga Rumania, Dragan Velikiç nga Serbia dhe Hakan Gunday nga Turqia.
Ceremonia e ndarjes së çmimeve u çel nga ministrja Mirela Kumbaro, e cila theksoi angazhimin e Ministrisë së Kulturës në nxitjen e përkthimit për njohjen e autorëve më të mirë të rajonit.
Vitin tjetër çmimi “Balkanika” do të ndahet në Bullgari, ndërsa këtë vit jurinë e drejtoi amerikani Andrew Wachter, i cili tha se Eftimova fitoi në këtë epokë kur po përjetohet dhuna e romanit.
Evtimova lindi në Pernik të Bullgarisë, është autore e katër përmbledhjeve me tregime dhe katër romaneve të publikuara, ndërsa e quan veten shkrimtare treni, sepse shumicën e shkrimeve i ka realizuar në tren midis Pernikut dhe Sofies.