Është anuluar edicioni i sivjetshëm i festivalit “Hardh Fest” në Rahovec.
Ekipi i festivalit përmes një publikimi në Facebook ka njoftuar se kanë marrë njoftim nga Policia e Kosovës se nuk lejohen të mbahen tubime publike sipas vendimit të Qeverisë.
“Për shkak të situatës në të cilën gjendemi, kemi marrë njoftim nga Policia e Kosovës se nuk lejohen të mbahen tubime publike sipas Vendimit te Qeverisë së Kosovës Nr. 01/17 e dt. 28.07.2020 sipas pikave 6,7 dhe 8. Andaj ne si OJQ “ Hardh Fest” jemi të obliguar të anulojmë të gjitha aktivitetet e parapara në Hardh Fest 2020 “Online Edition” thuhet në njoftim.
Edicioni i VI-të i festivalit “Hardh Fest” nën sloganin “Shnosh si kokrra” ishte planifikuar të mbahet online nga 4 deri më 6 shtator 2020 në Rahovec.
